ЕСМ Снабдување со топлина воведе нова веб-услуга за електронско плаќање фактури

ЕСМ Снабдување со топлина воведе електронски систем за безбедно плаќање на фактурите за топлинска енергија на новата интернет страница ЕСМ Снабдување (esm-snabduvanje.mk). Воведувањето на новиот систем за електронско плаќање е резултат на определбата на ЕСМ Снабдување секогаш да им излегува во пресрет на барањата и потребите на потрошувачите.

Фактурите за топлинска енергија потрошувачите можат да ги платат без банкарска провизија,  електронски на нашата веб страната, во делот  “ПЛАТИ СМЕТКА” користејќи две веб услуги.

• “БРЗО ПЛАЌАЊЕ”е нова веб-услуга за електронско плаќање на фактурите за топлинска енергија преку која потрошувачите со едноставно внесување на бројот на фактурата можат да извршат онлајн-плаќање, без претходна најава и регистрација на кориснички профил.
• “EsmEPay услугата” е нова веб-услуга за електронско плаќање на фактурите за топлинска енергија со најава и регистрација на кориснички профил за имот или имоти. Платформата овозможува преглед, филтрирање и плаќање на сите доспеани фактури за повеќе имоти како и внес на состојба на мерилото за индивидуални објекти.

За да може потрошувачите да ги користат услугите за електронско плаќање на фактурите потребно е да ги следат упатствата поставени кај соодветната веб-услуга на веб страницата на ЕСМ Снабдување Упатство за користење на услугата EsmEPay – кориснички профил или Упатство за користење на услугата “Брзо плаќање” .

Новата интернет страница покрај тоа што претставува брз и ефикасен канал за електронско плаќање на фактурите за топлинска енергија, обезбедува и можност за преземање на “Формулар за е-фактура” и “Договор за снабдување со топлинска енергија” како и информации за

• локациите и работното време на Пунктовите за потрошувачите на ЕСМ Снабдување каде нашите потрошувачи можат да ги достават пополнетите договори, да поднесат формулар за добивање на е-фактура и да ги платат фактурите за топлинска енергија без провизија
• Центарот за грижа на потрошувачи, каде потрошувачите можат да пријават дефект, течење или рекламација за квалитетот на греење, со оставање на звучна или СМС порака во кој било ден од денот, 24/7 или да добијат информации во врска со фактурите, начините на нивна достава и плаќање како и за сите прашања поврзани со нашата дејност и услуги
• Начини на достава на фактури и нивно плаќање
• Известувања и соопштенија

Со почит,

ЕСМ Снабдување со топлина ДООЕЛ Скопје